السلام عليكم ورحمة الله وبركاته
كيفكم ارجو ان يكون الجميع بخيررررر
مديرة مدرسة تزوجت زوج إحدى مدرسات مدرستها
تدور القصة حول مديرة مدرسة ع**اء غابت عن المدرسة يومين
ولما عادت لمدرستها قابلتها المدرسات سلامات وينك يامديرة ؟
قالت باركولي تزوجت
قالن مبروك يامديرة ولكن منهو زوجك ؟
قالت بصراحة زوجي هو زوج إحداكن !!
المدرسات تكفين علميننا أي وحدة منا ؟
قالت المديرة والله ما أعلمكن
المهم الحن عليها فقالت أنا ماراح اتكلم اللي تبي تعرف هل هو زوجها وإلا لا
تجيب بكرا معها خمسمية ريال وإذا جت توقع تحط الخمسمية على الطاولة
واللي آخذ خمسميتها فهي مهو زوجها
واللي أخلي خمسميتها على الطاولة ولا آخذها فهو زوجها
عيب علي أتزوج زوجها وآخذ بعد منها خمسمية ريال
وافقن المدرسات على الطريقة
ويوم جاء بكرا وكل وحدة مجهزه معها الفلوس
جت الأوله والثانية والثالثة والرابعة حتى العاشرة والمديرة تاخذ الفلوس
يوم جت المدرسة الـ 11 وبدت المديرة تأفف .. المهم حطت الفلوس على الطاولة
وقالت لها تكفين خذيها يالمديرة قالت
المديرة اعذريني قالت المدرسة كأنها قليلة حطيت ألف بدال الخمسمية
قالت المديرة أووووووووووووه معليش أثرك أنتي جواهر
والله إني آسفه غلطت يوم تنفست المدرسة وقالت الحمد لله يعني بتاخذين الفلوس
المهم أخذتها المديرة
ودخلن بقية المدرسات حتى الـ 23 والمديرة تلعب بأعصاب كل وحده
وفي النهاية تاخذ الخمسمية
المهم بقي مدرسة وحدة فقط ماجت يوم اتصلن عليها المدرسات هاه وينك ياأستاذه
قالت والله اني تعبانه وماني جايه
قالت المدرسة الغايبة : هاه من صار زوجها اللي متزوج المديرة ؟
قالن لين الحين مابين شي والمديرة عيت تاخذ الفلوس لين نحضر كل المدرسات
( يلعبن عليها بس يبونها تجي عشان يتطمنون إنها هي لأنه مابقى إلا هي )
وقالن المدرسات لازم تجين تكفين
المهم جت تسحب رجليها بالقوة ويوم جت تدخل المدرسات كل وحده مبسوطة أنها مهي هي
وبدن يسمن على المدرسة الـ 24 عشان ماتنصدم
دخلت المدرسة الأخيرة غرفة المديرة وحطن باقي المدرسات أيديهن على قلوبهن
وحطت المدرسة الخمسمية على الطاولة وضفتها (اخذتها)المديرة
يوم طلعت كانت عادية وما صار شي وفلوسها أخذتها المديرة
قالن يابنات فيه وحده منكن ماخذت المديرة فلوسها؟
قالن لا والله كلنا أخذت فلوسنا
ودخلن المدرسات على المديرة وقالن أخذتي الفلوس من كل المدرسات تلعبين علينا
!! منهو زوجك !!
قالت المديرة المهم الفلوس( 12000 ريال ) ماراح ترجع
وأنا والله لا تزوجت ولاشي لين الحين عزوبية ووالله كنت مريضة هاليومين
ولكني اطلبكن قبل شهر تدفعن على مية ريال نصلح المصلى
ولا وحدة منكن دفعت .. قلت والله لأدفعكن 500 ريال
نصلح المصلى ونشتري مصاحف وقف للمسجد
قالن المدرسات بردها الله بالعافية فداك الفلوس ولو تبين زود عطيناك
هو صدق بس رجالنا ماتزوجوا علينا
أتمنى أنكم ماتعبتوا في القراءة
هالله هالله بردودكم السنعة
لكم خاص تحياتي
*الدلع*
موضوع: مديرة مدرسة خطيييييييييييييرة لاتفوتكم 
الثلاثاء أغسطس 11, 2009 10:14 am
